Молитвы во время карантина.

Молитва во время губительного поветрия и смертоносной заразы, утвержденная Священным Синодом УПЦ.

Бо́же Вели́кий и Вы́шний, Благоутро́бный и Человеколюби́вый Влады́ко, услы́ши нас недосто́йных рабо́в Твои́х, во мно́жестве ми́лости Твоея́ и низпосли́ нам по́мощь Твою́ во вре́мя наше́ствия боле́зни губи́тельныя на род челове́ческий, Твое́ю Кро́вию иску́пленный.

Ве́мы Го́споди, яко согреши́хом пред Лице́м Твои́м и грехо́м на́шим несть числа́ . Но умилосе́рдися и отврати́ от нас гнев Твой пра́ведный на ны дви́жимый. Не прогне́вайся на ны зело́ , Ты бо рекл еси́ , яко ра́дость быва́ет на небеси́ о еди́ном гре́шнице ка́ющемся. Приими́ ны́не и на́ше покая́ние, сле́зы и смире́нныя моли́твы возноси́мыя из глубины́ серде́ц на́ших пред святы́м олтаре́м Твои́м.

О́тче щедро́т, Бо́же вся́кого утеше́ния, укрепи́ ны моли́твами Преблагослове́нныя Влады́чицы на́шея Богоро́дицы, си́лою Честна́го и Животворя́щего Креста́ , свята́го великому́ченика и цели́теля Пантелеи́мона, святителя Луки, исповедника Кры́мскаго, святы́х враче́й и цели́телей на́ших: Ага́пита, Дамиа́на, Ипа́тия Пече́рских и Все́х святы́х земли́ на́шея и прекрати́ боле́зненное пове́трие и отжени́ от нас вся́кую боле́знь и не́мощь, да изба́вльшеся от вся́кия напа́сти Руко́ю Твое́ю кре́пкою, порабо́таем Ти со вся́ким благодаре́нием. Да я́ко и ны́не причаща́ющеся Твоего́ неизглаго́ланнаго Человеколю́бия, пое́м и сла́вим Тя, Творя́щаго вели́кая и чу́дная, сла́вная же и изря́дная.

Я́ко Ты еси́ Исто́чник исцеле́ний, Бо́же наш, и Тебе́ сла́ву возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

«Дорогие моему сердцу отцы, братья и сестры!
Я призываю всех верующих нашей епархии не собираться большими группами, а каждый у себя дома в 12 часов пополудни молитвенно присоединятся к нашему крестному ходу – читать молитву образу «Ново-Кайдакская-Запорожской», когда священники будут проезжать по улицам города с этой чудотворной иконой. Так все мы «едиными усты и единым сердцем» будем бороться с искушениями, которые посылаются нам врагом рода человеческого, в виде коронавируса. Я верю, что по молитвам Царицы Небесной Господь нас избавит от этой напасти, как это уже было многократно начиная с 1831 года». 

Высокопреосвященнейший Лука, митрополит Запорожский и Мелитопольский

Спаси Господи! Братья и сестры! Крестный ход будет проходить с понедельника по пятницу каждый день в 12.00ч. Священники будут проезжать по улицам города с чудотворной иконой «Ново-Кайдакская-Запорожской». Каждый у себя дома в 12 часов пополудни молитвенно может присоединятся к нашему крестному ходу – читать молитву образу «Ново-Кайдакская-Запорожской»,

Молитва ко Пресвятей Богородице пред иконой Ея, именуемой «Ново-Кайдакская»-Запорожской

О Преблагословенная и Многомилостивая Владычице мира! Се мы грешнии на святый образ Твой взирающе и на нем Тя в скорби и сострадании распятому за нас Христу Спасителю предстоящу видяще, усердно молим Тя известную о нас к Сыну Твоему молитвенницу: не остави нас в день испытания и скорби, но во искушениих и напастех нам бываемых огради нас всечестным покровом Твоим от враг видимых и невидимых и даждь нам силу, во еже всесовершенную и благую волю Творца и мира Владыки творити. Зриши бо, милостивая Заступнице наша, колико грехам всяческим подвержени есмы: не токмо бо волею согрешаем, но и неволею в многоразличныя прегрешения впадаем. Сего ради к Тебе державней устроительнице спасения христианскаго прибегаем и умиленно вопием: ум наш познанием Божественныя истины просвети, сердце наше теплотою христианския любви и спасительных желаний согревай, волю же нашу в нелицемерном заповедей Господних исполнении утверди. Ей, Госпоже Премилостивая, приникни с высоты небесныя к воздыханием и молитве нас грешных: исцели болезни недужных, умири сердца озлобленных, даждь терпение страждущим, внуши страх Божий обидящим, укрепи гонимыя за правду, сироты и вдовы защити, подаждь утешение плачущим, испроси прощение кающимся, демонскую же бурю страстей во грешных душах утиши и в сердцах чтущих Тя Христову кротость и любовь вкорени и духом милосердия и сострадания сия утверди; отпадшыя же от веры еретики и отступники к познанию истины направи и уста нечестивых, хулящих Святую Церковь и веру православную поносящих загради. Отшедшим от жития сего отцем и братиям и сестрам нашим, о Мати Божия, прощение грехов и предначатие блаженства вечнаго испроси. Егда же и нашея кончины час приближится, тогда убо, о Владычице, приими душу нашу и в сонме праведных сию упокой, идеже лици Ангел и святых угодник немолчно славословят державу и милость Отца и Сына и Святаго Духа и Твое матернее о нас предстательство и заступление, ныне и присно, и во веки веков. Аминь.

 

 

Добавить комментарий

Ваш адрес email не будет опубликован. Обязательные поля помечены *